Hovudutval for næring og kultur i Sogn og Fjordane skal ha møte neste veke. Ei av sakene er prioritering av prosjekt for statleg tilskot til breibandsutbygging i 2018. Her ligg det føre innstilling frå Fylkesdirektøren om å prioritere 4,8 millionar kroner til Eid kommune sitt store, samla breibandsprosjekt for å sikre høghastigheits fiber i heile Eidsdalen frå sentrum opp til Hjelle/Mogrenda og Nesbygda, samt Taklo og Strand på sørsida av Eidsfjorden og Hjelmelandsdalen.

–Utruleg gledeleg, seier Eid-ordførar Alfred Bjørlo. Han peikar også på at Kommunestyret i Eid allereie har vedteke å fylle på med 2,7 millionar kroner i kommunalt tilskot til denne store fiberutbygginga dersom staten går inn med sin del. Dermed vil samla offentleg tilskot til fiberutbygginga bli på om lag 7,5 millionar kroner.

Endeleg tildeling frå staten kjem ikkje før til hausten, og prosjektet må deretter ut på anbod.

Utbygginga vil høgst truleg skje først i 2019.

Les også