"Kjære alle saman, gratulerer så mykje med dagen!
I dag feirar vi at vi kan leve som frie sjølvstendige menneske i eit fritt land.
Eg sa til Jagoda, kona mi, no nyleg at vi er veldig heldige som bur her på Hauane, ein vakker og fredeleg plass på jorda, ei fin bygd med fantastiske menneske rundt oss.
Som prolog skal eg skal lese eit dikt som for første gang vert framført i dag, og det er forfattaren sjølv som les:
Hauane solar seg i glansen
frå borna som deltek i dansen
alle tek del i gleda
vi kjenner den i sjela
Hjalma renn vill og våt
vinter vert til vår
lamma spring på beite
våren er skikkeleg heite
Til Naustdalkamben vi gjekk
ei hytte vi fekk
til glede og nytte
for alle som til Eid kommune vil flytte
Bygda breier seg ut
frå fjell til båresprut
her er godt å leve
det er nesten som å sveve
Ei jord har vi fått
av dei som har hatt smått
vi skal gje vidare til borna
ei verd som treng å bli ordna
Grunnlova er 204 år
nasjonen til folket si teneste står
sjølvsagt er dette ikkje
vi må aldri demokratiet svikte
Vær stolt av den du er
ta vare på det du har
små stunder i kvardagen er verdt mest
lev ekte, gje frå deg det du kan best
No er tida koma
for feiringa av grunnlova
17. mai skal vi halde
for det var det vi valde"