–Ut frå dei modellane vi har å halde oss til, så reknar vi med at overføringane frå staten blir om lag det same som Selje og Eid samla sett har i dag. Det er denne realiteten vi byggjer våre økonomiske modellar på. Dersom vi ønskjer å skaffe oss sjølv større økonomisk handlingsrom, er det utgiftssida og eventuelt andre inntekter vi må sjå på. Når vi no byggjer ein ny organisasjon, så tek vi sikte på å gå ut i null/balanse, sa Ole Starheim.
–Tenk nytt
Bryggja
–Det blir sagt at når Bryggja blir ein del av Stad kommune, så vil det bety rundt 30 millionar meir i overføringar.
–Beløpet stemmer kanskje, men Bryggja har også ei utgiftsside som vi ikkje har oversikt over endå. Difor er det mest rett å tru at dette reknestykket vil gå i null.
– Meir samarbeid
Eigedomsskatt
–Eid og Selje har eigedomsskatt. Eid tre promille og Selje fire promille. Blir det endringar, anten ved at Selje går ned, eller at Eid går opp ein promille?
– Samla har dei to kommunane rundt 17 millionar kroner i inntekt frå eigedomsskatt. Kva som blir gjort med satsane er det for tidleg å seie noko bestemt om. Eg reknar vel med at inntekta frå eigedomsskatt vil vere som i dag, seier Ole Starheim som legg til at nye Stad kommune vil ha bruk for denne inntekta.