Ny forsking: Covid-19 kom til USA i desember 2019

Blodprøver frå 24.000 amerikanarar tekne tidleg i 2020, antydar at koronaviruset kom til USA i desember 2019, viser ein ny studie.
utenriks

– Det var veldig sjeldne og sporadiske tilfelle tidlegare enn vi var klar over, men det var ikkje utbreidd og vart det ikkje før i slutten av februar 2020, seier Natalie Thornburg frå smittevernetaten Centers for Disease Control and Prevention (CDC).

Studien vart publisert på nett av tidsskriftet Clinical Infectious Diseases tysdag.

I den ferskaste og største studien er det analysert blodprøver frå over 24.000 personar frå heile USA som ein del av eit langsiktig prosjekt.

Sjølv om fleire ekspertar er skeptiske til studia har føderale helsestyresmakter i stor grad akseptert at koronaviruset kom til USA før verda vart klar over at eit farleg nytt virus spreidde seg i Kina.

Covid-19 vart først oppdaga i Wuhan-provinsen i Kina i desember i 2019. Offisielt er den første amerikanaren som pådrog seg viruset ein mann frå delstaten Washington som kom tilbake frå Wuhan 15. januar, og som søkte legehjelp 19. januar.

(©NPK)