VM-kvartfinalen: Noreg – Spania kan bli TV-fulltreffar

Noreg speler ny seinkamp i handball-VM i kvartfinalen mot Spania onsdag. Den går i beste TV-tid.
sport

Det er gode nyheiter for TV3 som sender oppgjeret og håpar på milliontal på sjåarfronten.

Spanjolane tek avkast som favoritt 20.30 norsk tid (21.30 i Egypt). Noreg står med 18 strake tap for Spania sidan 1997.

– Det eg tenkjer først og fremst, er at det har vore veldig jamt dei to siste gongene (i 2019) vi møttest, seier Christian O'Sullivan.

Spanjolane vann med eitt mål i begge kampar. – Eg føler at det like godt kunne gått i vår favør dei kampane.

Noreg flyttar hall frå 6. oktober-byen til eit område søraust for sentrum i Kairo. Den egyptiske hovudstaden har vel 20 millionar innbyggjarar.

Dette er dei andre kvartfinalane, også desse blir spelte onsdag:

Danmark – Egypt 17.30

Frankrike – Ungarn 20.30

Sverige – Qatar 20.30

Går Noreg til semifinale, ventar kamp mot anten Danmark eller Egypt.

(©NPK)