Amerikanske bombefly har gjennomført det første oppdraget sitt i Noreg

Dei amerikanske bombeflya som er utplasserte på Ørland i Trøndelag, hadde det første oppdraget sitt med Noreg som base fredag.
innenriks

Ifølgje meldinga frå det amerikanske forsvaret skjedde oppdraget ved Barentshavet, skriv Fosna-folket.

– Det er passande at vi starta denne utplasseringa med eit oppdrag som viser fram evnene våre til å integrere med våre norske allierte over fleire forsvarsgreiner, seier general Jeff Harrigian.

– Denne typen samhandlingsoperasjonar er spesielt kritiske i Arktis, der ingen nasjon har infrastrukturen eller kapasitetane til å operere åleine, seier han.

Flya av typen B-1B Lancer, landet i Noreg måndag. Dei blir verande ein månads tid.

(©NPK)