Høie: Dette er ein svært alvorleg situasjon

– Dette er ein svært alvorleg situasjon og vi må gjere alt vi kan for å stanse utbrotet, seier helseminister Bent Høie.
innenriks

Laurdag la han fram lang liste tiltak for ti kommunar i Oslo-området.

– Vi håpar alle vil vere med på det enorme krafttaket for å slå ned denne varianten, sa Høie på ein digital pressekonferanse.

Gjennom dagen vil helsestyresmaktene vurdere situasjonen for kommunar som ligg i nærleiken av det området som no er ramma. Høie seier det kan komme tiltak på kort varsel òg i desse kommunane.

– Viss det muterte viruset spreier seg, vil det vere svært krevjande å stanse spreiing til resten av landet, seier han.

– Dette er ein innsats ikkje berre for dette området, men for heile landet, sa han.

(©NPK)