Mykje snø og jord- og flaumskredfare i vente

I store delar av landet kan det komme mykje snø i fjellet dei neste dagane. På Vestlandet er det varsla jord- og flaumskredfare som følgje av kraftig regnvêr.
innenriks

Det blir venta mykje snø i fjellet i Sør-Noreg frå torsdag kveld, medan det kan komme snø frå 500 til 800 meters høgde i både Trøndelag, Nordland og Troms fredag.

Meteorologane har sendt ut gult farevarsel.

På Vestlandet fører kraftige byer til jord- og flaumskredfare. Faren aukar frå torsdag ettermiddag i Hordaland, Sogn og Fjordane og delar av Møre og Romsdal.

Det er venta opp mot 50 til 80 millimeter nedbør på eitt døgn. Lokalt kan det komme mellom 30 og 50 millimeter regn på seks timar.

– Grunnvasstanden og vassmetningsgraden i bakken er somme stader høg, åtvarar NVE på varslingstenesta varsam.no.

NVE har sendt ut gult farevarsel.

(©NPK)