Kongen på Askøy: – Vi føler med dykk

– Vi skjønar nesten ikkje at de har tid til å ha besøk av oss, sa Kong Harald då han og dronninga besøkte Askøy kommune torsdag.
innenriks

Dei siste vekene har over 2.000 askøyværingar vorte sjuke av drikkevatnet. Totalt 76 personar har vorte så dårlege at dei måtte leggjast inn på sjukehus.

Under fylkesturen til kongeparet til Hordaland møtte kongeparet innbyggjarane som er ramma av vasskrisa.

– Vi har følgt med på det som har skjedd på Askøy, og vi føler med dykk. Vi kan førestille oss usikkerheita og frustrasjonen dykkar. Vi forstår bekymringane og smerta dykkar, sa kong Harald i talen sin.

Han var imponert over handteringa til askøyværingane av situasjonen, og roste samhaldet og frivillegheita i lokalsamfunnet.

– Vi skjønner nesten ikkje at de har tid til å ha besøk av oss. Vi veit kor mykje arbeid og bekymringar som ligg bak. Og at de har andre, og svært viktige ting å gjere.

Kongeparet vart orientert om vassituasjonen i kommunen av varaordførar Bård Espelid. Tysdag sa varaordføraren til NRK at talet på dei som har vorte sjuke av smitte frå vatnet er kraftig redusert den siste tida.



(©NPK)