Lag frå alle delar av fylket hadde meldt seg på til turneringa, som talde i overkant av 50 lag. Lag frå Eid kommune var sjølvsagt i overtal. Vertsklubben Eid hadde den største kontingenten, men også Heia og Stårheim stilte med fleire lag. I tillegg stilte det lag frå Nordfjordklubbar som Bremanger IL, Selje IL, Tornado Måløy FK og Skavøypoll IL.
Ut over klubbar frå Nordfjord, kom det lag både frå Førde IL, Askvoll Holmedal IL og Sogndal IL.
Turneringa vart gjennomført på fem baner på Eid Idrettspark – to sjuarbaner der 11 og 12 åringane gjorde opp. I tillegg var det tre mindre baner der spelarar i aldersgruppa frå ti år og nedover spelte femmarfotball.