Sigrid Flo Bødal, Stårheim IL,  hadde den suverent beste plasseringa av kvinnene frå Sogn og Fjordane med ein flott 4. plass i 18-årsklassen. Med ein bom på kvar av skytingane var Sigrid eitt minutt og seks sekund bak vinnaren Juni Arnekleiv, Dombås IL, som skaut feilfritt på dei to skytingane. Det kan også nemnast at Sigrid berre var 13 sekund bak andreplassen. I denne klassen var det 37 løparar som fullførte.

I tillegg til Sigrid Flo Bødal oppnådde fleire av løparane frå Sogn og Fjordane gode resultat på laurdagens sprintdistanse. I klassen for menn 19 år var Isak Hopland, Hardbagg IL,  best av løparane frå vårt fylke med ein 13. plass. I den same klassen kom Håkon Gjørven Midthjell, Markane IL, på 32. plass, Erlend Bakken, Markane IL, nummer 38 medan Andreas Halsteinslid, Markane gjekk inn til 48. plass. 49 løparar fullførte i 19-årsklassen.

I klassen menn 18 år var Vegard Skrede, Hardbagg IL, bestemann av løparane frå Sogn og Fjordane med ein 7. plass. Vegrad var tett følgt av Johan-Olav Smørdal Botn på 8.plass. Vegard Skrede var 57 sekund bak vinnaren med tre bom på dei to skytingane, medan Johan-Olav Smørdal Botn bomma to goner, og var eitt minutt og fire sekund bak vinnaren. I denne klassen fullførte 66. løpararar.

I 17-årsklassen for menn vart Marius Årestrup Larsen , Vik IL, nummer sju, medan Simon Hjelmeset, Markane gjekk inn til 32. plass. I denne klassen fullførte 73 løparar.

I seniorklassen for menn gjorde Håvard Gutubø Bogetveit, Førde IL, sine saker bra med ein tredjeplass. 38 sekund bak vinnaren. Også lagkamerat Ole Martin Erdal gjorde eit godt løp. Med ein bom på ,kvar av skytingane vart det til slutt 12. plass til Førde-løparen. I den same klassen vart Johan Eirik Meland nummer 28.

I seniorklassen for damer gjekk Heidi Flo Bødal, Stårheim IL,  inn til 12. plass. Med ein bom på ståande skyting var Heidi 2,19 bak vinnaren. I den same klassen gjekk Mari Sollid Eid, også ho frå Stårheim IL, inn til nest siste plass blant dei 28 som fullførte løpet.

I 19-årsklassen for kvinner vart det 12. plass til Elise Skeide Bakke, Eid IL skiskyting. Elise skaut feilfritt, men måtte likevel sjå seg slått med eitt minutt og 56 sekund av Vinnaren Kristin Sande, Kvam IL. I denne klassen gjekk Ingrid Gausemel, Hornindal IL, inn til 16. plass blant dei 19 som fullførte løpet. Gausemel hadde tre bom på den siste, ståande, skytinga.

I kvinner 17 år stilte det to løparar frå Nordfjord, Anne Marie Roset, Markane IL, og Kari Alsaker, også ho frå Markane IL. Anne Marie gjekk inn til 32. plass, medan det vart 37. plass for Kari Alsaker som bomma på sju av dei ti blinkane.