Statens vegvesen har no kome med oversikta over kvar det skal asfalterast i Sogn og Fjordane i løpet av sommaren.
Innan Eid kommune sine grenser skal det kome nytt dekke på 800 meter på E39 på Nordfjordeid ved Korsen.
Det skal også asfalterast 2.150 meter på rv. 15 frå Vindfylla vest til Lefdal.
På E39 i Gloppen – frå Reed til Bremsfjell- skal det asfalterast 5.440 meter.
I Vågsøy vert det nytt dekke på rv. 15 frå Almenningsfjellet til Deknepollen. Det er ei strekning på 2.640 meter. Det vert også asfaltert 925 meter frå Deknepollen til Måløybrua.
Fylkesvegar
Når det gjeld fylkesvegane vert det også litt asfaltering i Nordfjord. Litt over 75 kilometer med fylkesvegar skal asfalterast i Nordfjord.
Det gjeld mellom anna fv. 620 i Selje, her skal 2.750 meter få nytt dekke frå Skorge /Møre grense) til Kjøde.
I Selje vert også ei strekning på 5.980 meter frå Borgund til Leikanger på fv. 633 tatt i denne omgang.
På fv. 661 frå Espe bru til Remmedalen i Eid får ei lang strekning på 6,7 kilometer ny asfalt.
I Eid vert det også nytt dekke på fv. 665 frå Heggja bru til Møre grense.
På fylkesveg 726 i Hornindal skal 1.880 meter frå Ytterhorn til Gausemel få ny asfalt i sommar.
Litt av Panoramavegen på fv. 698 frå Rand til Bergset skal også asfalterast. Det gjeld ei strekning på 10.171 meter.
På fv. 723 frå Sande til Bødal i Stryn skal ei strekning på 8.528 meter takast.
I Gloppen på fv. 696 vert mellom anna tre km frå Trysilfossen til Nes bru tatt. Også fv. 615 ved Sandane sentrum skal ei strekning på 1.835 meter takast. Nesten 15 km skal asfalterast på fv. 615 mellom Hestenesøyra og Fitje.
