Det kan gå mot ei løysing for dei 18 Bryggja-elevane som har søkt seg til Stårheim skule. I går kom ordførar i Vågsøy, Kristin Maurstad, og ordførar i Eid, Alfred Bjørlo, fram til ei avtale der Vågsøy kommune skal kompensere for elevane.
Dette gjeld halvanna år, skuleåret 2018/19 og hausten 2019. Fram til Bryggja blir ein del av Stad kommune frå 1. januar 2020.
I pengane ligg det inne litt over ein million for ei stilling i halvanna år. Samt 7500 kroner per elev per år i materialkostnader, ein samla sum for halvanna år på 202.000 kroner.
Dette er ei løysing som rådmennene i Eid og Vågsøy blei einige om på måndag denne veka. I går var det altså ordførane sin tur å blei einige i denne skulestriden som har eksistert ei stund.
I dag vedtok eit samla kommunestyre i Eid å gå inn for denne løysinga. Og no er det opp til resten av politikarane i Vågsøy å bestemme seg for at dette er vegen å gå.
-Vi har sjølvsagt ikkje eit endeleg vedtak før politikarne i Vågsøy har sagt sitt, seier ordførar Bjørlo som no likevel ser lys i tunnelen etter å ha kome fram til ei semje med ordføraren i Vågsøy.
Endring i saka kom for alvor då dei blei klart at så mange som heile 18 Bryggja-elevar har søkt seg til Stårheim skule.
Frå ordførar Bjørlo si side blir det likevel understreka at i vedtaket i Eid kommunestyre ligg det inne eit punkt to der ein oppmodar at Bryggja skule skal få bestå fram til den nye kommunestrukturen blir realisert om halvanna år.
