– Butikkane stiller med ein del varer vi skal auksjonere vekk, mellom anna ein Hybridsykkel, men det gjeld å ha is i magen for å gjere eit kupp, smiler senterleiar Gro Gjerdevik.
Ho har også fått Åse Huse til å måle eit påskebilde med ei tom påskekorg. Alle barn i Nordfjord, opp til og med ti år, vert bedt om å måle påskeegg som skal pynte opp og festast på påskekorga.
– Eit av barna som er med kan vinne eit stort påskeegg med ymse innhald med det meste av ting for å ha det moro i påska, fortel Gjerdevik.
