Onsdag 7. februar var nest siste dag på jobb som rådmann i Selje kommune for Ørnulf Lillestøl. Kommunestyret arrangerte kakefest for den avtroppande rådmannen, som går til ny stilling ved Universitet i Bergen. I talen til den avtroppande rådmannen la ordførar Stein Robert Osdal spesielt vekt Lillestøl sin kompetanse og den gode jobben Lillestøl hadde gjort som øvste administrative sjef i kommunen. – For meg har Lillestøl vore ein viktig og god sparringspartnar, sa Osdal.