Johan Olav Smørdal Botn (M19) gjennomførte sprinten søndag med god fart i løypa og fullt hus på begge skytingane, og ligg no godt an til Junior-VM.

Resultatet var 21.38.5, 1.26 føre nestemann på lista.

Stårheimaren går på Norges Toppidrettsgymnas, NTG på Lillehammer, der han satsar seriøst innan skiskyting.

Laurdagen på normaldistansen gjekk det litt dårlegare. Då vart det ein del bom, og Johan-Olav Smørdal Botn hamna lenger ned på lista.

Av dei lokale var det då Aksel Mathias Meland frå Markane som kom best ut i M19, med ein 5. plass, medan Botn kom på ein 9. plass. På sprinten søndag kom Meland på 21. plass.

Sigrid Flo Bødal, Stårheim IL / NTG-L,  kom på 17. plass (K18-19) på normaldistansen laurdag.