Heidi Munch Starheim er tilsett som avdelingsleiar ved Hogatunet bu- og behandlingssenter. Starheim er utdanna sjukepleiar og har master i samhandling. Ho har vore tilsett i Eid kommune sidan 1995, og har dei siste åra arbeidd som fagleiar ved Eid sjukeheim og ved Hogatunet bu- og behandlingssenter. Ho er frå Nordfjordeid og bur på Stårheim.

Kristine Bjerkeset er tilsett som assisterande avdelingsleiar ved Hogatunet bu- og behandlingssenter. Ho er utdanna sjukepleiar med vidareutdanning i leiing, og har tidlegare arbeidd ved Molde sjukehus og ved universitetssykehuset i Nord-Norge. Bjerkeset er frå Molde, men bur no på Sandane.

Siri Skjølberg er tilsett som assisterande avdelingsleiar i heimetenesta frå 01.03.18. Skjølberg er utdanna ergoterapeut og sjukepleiar og kjem frå ei stilling som fagleiar i heimetenesta i Bremanger kommune. Skjølberg er frå Bremanger, men buset seg på Haugen med mann og to barn i 2018.

Sandra Osnes Kriken er tilsett som fagleiar i heimetenesta frå 04.06.18. Ho er utdanna sjukepleiar med vidareutdanning i psykiatri. Ho kjem frå ei stilling som sjukepleiar ved tryggleiksavdelinga ved Sandviken sjukehus i Bergen. Sandra Osnes Kriken er frå Åheim i Vanylven kommune, men flyttar til Nordfjordeid med mann og eitt barn i 2018.

Det er Eid kommune som opplyser om desse nytilsetjingane på si nettside.