I år satsa kulturskulen i Eid på å glede dei eldre under Kulturnatt i Nordfjord. På ettermiddagen var elevane i sving på tre institusjonar, der mange eldre fekk ei musikalsk oppleving på kulturnatta og ei hyggjeleg start på helga. Dei fekk høyre musikk frå fiolin, gitar, piano, kornett, fløyte og vakker song.

Lokale forfattarar

Litt før på dagen var det bokkafé på Kringla i Eid sentrum som stod på programmet. Der var lokale forfattarar på plass for å snakke om sine bøker. Det var Trygve Espe som snakka om sogeskrift for Eid og Paul O. Tomasgard som fortalde frå Historisk årsskrift for Hornindal. Andre bøker som blei presentert var Årbok for Nordfjord, heftet Jul i Nordfjord og Ljøren, historisk skrift for Gloppen. Til slutt var det Lin-Marita Sandvik får Stårheim som var i elden. Ho fortalde som sin barnebokserie på seks bøker, der ho har henta inspirasjon frå oppveksten på Stårheim.

Kreativt rom

I Det kreative rom på Amfi Nordfjord var det opning av ny utstilling. Gjesteutstillar der er Susanne Humborstad frå Stårheim. Ho er 33 år og flytte til Oslo då ho var nitten. For eitt år sidan busette ho seg i Eid, og håpar no på å få betre tid til å halde på med kunst og teikning. Ho har lage eit bilde med kombinasjon av fleire teknikkar, der ho har brukt ulike materiale. Planen er at ho skal stille ut fleire bilde i dette kunstrommet på Amfi Nordfjord.