Saman med Rogaland, har Sogn og Fjordane nest lågast sjukefråvær i landet. Berre Oslo med 4,2 prosent er lågare.
– Sogn og Fjordane har ei eldre befolkning enn landsgjennomsnittet, og eldre arbeidstakarar har høgare sjukefråvær enn yngre. På denne bakgrunnen er det svært positivt at sjukefråværet i Sogn og Fjordane er såpass lågt, seier direktør for NAV Sogn og Fjordane, Tore Thorsnes.
Blant kvinner har sjukefråværet auka frå 5,8 prosent i 2. kvartal i fjor til 6,0 prosent i 2. kvartal i år. Blant menn har sjukefråværet gått ned frå 3,8 til 3,5 prosent.
Høgast sjukefråvær innan helse og sosial
Sjukefråværet er høgast innan helse- og sosialtenester med 6,7 prosent. Deretter følgjer forretningsmessig tenesteyting med 6,1 prosent og bergverksdrift og utvinning av olje og naturgass med 6,0.
Helse- og sosialtenester har ein auke på 2,3 prosent frå 2. kvartal i fjor, mens industri har ein reduksjon på 2,9 prosent.
Positivt for dei yngste
Personar i aldersgruppene 16-19 år og 50-54 år har størst nedgang i sjukefråværet (-38 prosent og -11 prosent). Aldersgruppa 25-29 år har størst auke i sjukefråværet med 15 prosent. Det er ein klar tendens at sjukefråværet er lågast i dei yngste aldersgruppene og høgast i dei eldste.
Størst reduksjon i Solund
Solund, Jølster og Hornindal (høvesvis -33, -25 og -14 prosent) er dei kommunane som har størst reduksjon i sjukefråværet frå 2. kvartal 2016. Leikanger har størst auke (47 prosent). Aurland har lågast sjukefråvær med 3,1 prosent. Deretter kjem Jølster og Hornindal med høvesvis 3,5 prosent og 3,6 prosent. Askvoll og Leikanger har høgast sjukefråvær (5,9 prosent og 5,8 prosent).
Auka bruk av gradert sjukemelding
Prosentdelen med gradert sjukemelding har auka frå 28 til 30 prosent frå 2. kvartal 2016 til 2. kvartal 2017. På landsnivå er prosentdelen graderte uendra på 27 prosent. 34 prosent av kvinnene i Sogn og Fjordane har ein gradert sjukemelding, mot 23 prosent av mennene.
Legemeldt sjukefråvær i Sogn og Fjordane. Sjukefråværsprosent 2. kvartal 2016 og 2. kvartal 2017 | |||
Prosent 2. kvartal 2016 | Prosent 2. kvartal 2017 | Endring frå 2016 til 2017 | |
I alt | 4,7 | 4,7 | 0,5 |
1401 Flora | 5,2 | 5,4 | 3,5 |
1411 Gulen | 4,2 | 4,5 | 5,8 |
1412 Solund | 8,2 | 5,6 | -32,5 |
1413 Hyllestad | 5,1 | 5,2 | 2,6 |
1416 Høyanger | 4,6 | 4,8 | 5,0 |
1417 Vik | 5,7 | 5,3 | -6,7 |
1418 Balestrand | 3,8 | 4,2 | 10,6 |
1419 Leikanger | 4,0 | 5,8 | 46,5 |
1420 Sogndal | 4,3 | 4,0 | -7,6 |
1421 Aurland | 3,2 | 3,1 | -2,6 |
1422 Lærdal | 4,7 | 5,1 | 8,5 |
1424 Årdal | 4,0 | 3,8 | -5,0 |
1426 Luster | 3,9 | 4,9 | 23,0 |
1428 Askvoll | 5,9 | 5,9 | -1,0 |
1429 Fjaler | 3,8 | 4,6 | 21,3 |
1430 Gaular | 5,1 | 5,6 | 10,5 |
1431 Jølster | 4,7 | 3,5 | -25,0 |
1432 Førde | 4,5 | 4,5 | 0,0 |
1433 Naustdal | 5,5 | 5,1 | -7,2 |
1438 Bremanger | 4,4 | 5,7 | 28,8 |
1439 Vågsøy | 5,9 | 5,4 | -8,0 |
1441 Selje | 4,8 | 4,5 | -5,5 |
1443 Eid | 5,4 | 4,9 | -8,4 |
1444 Hornindal | 4,2 | 3,6 | -14,1 |
1445 Gloppen | 3,8 | 3,8 | 1,0 |
1449 Stryn | 4,5 | 4,3 | -3,8 |