Lokaloppgjer i kveld

Det er klart for det tradisjonsrike lokaloppgjeret mellom Eid og Tornado Måløy. Kampen blir spelt på Eid stadion klokka 19.30 i kveld.

Før kveldens oppgjer ligg Eid på 6. plass på tabellen med 19 poeng, medan Tornado Måløy ligg på plassen bak med 17 poeng. Dette er altså ein såkalla sekspoengskamp, der Eid kan få ei luke på fem poeng til kveldens motstandar med siger. Blir det tap vil Tornado Måløy passere Eid.

Kveldens lokaloppgjer tjuvstartar den 14. serierunden i 4. divisjon. Laurdag går kampane Stryn-Høyang og Dale-Bremanger. Serierunden blir avslutta måndag med oppgjera Førde 2-Vik, Skavøypoll-Sogndal 2 og Florø 2-Årdal.