Elevrådet ved Stårheim skule fekk inn 4.656 kroner då dei nyleg arrangerte bingokveld i samfunnshuset i bygda. Pengane skal gå til nye leiker på skulen.
Ane Grodås Orheim, Aron Mathias Vonheim, Harald Kristian Holmøyvik Starheim, Andreas Rafshol og Celin Angelica Nygård i elevrådet fortel at dei ringde rundt til bedrifter med tilknyting til Stårheim for å skaffe bingogevinstar. Alle som vart kontakta sa ja.
Det var også kiosk der elevane selde mat og drikke til bingogjestene. Dei hadde god hjelp og støtte frå FAU, mellom anna til innkjøp og kakebaking. Rektor Gro Nedreberg rosar elevane for god planlegging og gjennomføring. Elevane bruker også å arrangere elevkveldar med kiosk, disko og kahoot. 6. klasse inviterer bygdefolket til kafé fire gonger i året.
