– Valhall var samlingshuset vårt. Det var dette som var storstova i Eid. Her hadde vi revyar og kino, og laurdagskveldane var det fest. Alt var her, fortel Arnljot Haavik, som sit med handa full av årar. Åresalet går unna, og gevinstane er mange. Den årlege basaren til Plassens venner gir fullt hus. Basarsoljet går også for fullt, men blir stilt når Reidun Sunde les opp vinnernummera. Ho rotar godt ned i posen med nummerlappar, før ho proklamerer: «1555». Yasin Andiz er for første gang på basar, og jublar skikkeleg over ha vinnarlukka med seg.
– Ein må sjølvsagt juble, meiner han.
– Basaren er ein møteplass, der ein samlast rundt bordet. Det er derfor vi kjem, og sjølvsagt for å støtte Plassens venner, seier ein gjeng godt vaksne damer.
Barbro Os Noste fortel at dei som har vakse opp nesten på Plassen, har vore mykje i Valhall frå ein var barn og ungdom.
– For meg betyr det mykje at Valhall blir ivaretatt, at det er ein del av lokalmiljøet på Eid.
