– Vi har blant anna Sjøkanten kafé som har opplevd ei stor auke av kundar og har per veke 15, ei auke på 79 prosent i forhold til 2016. Dei har tidvis utfordring med å ha plass til alle som vil sette seg ned i kafeen, dei har utvida mattilbodet og opningstidene og satsar på å vere ein sentral møteplass. Det er samstundes eit teikn på at folk reiser lengre for å besøke Eid, som er svært koseleg å sjå, fortel Else S. Andersen, utviklingsleiar i Olav Thon Gruppen.
Folk handlar meir på Eid
Utbygginga av kjøpesenteret på Nordfjordeid, Amfi Nordfjord, har auka omsettinga med 254 prosent per veke 15 i forhold til veke 15 i 2016.
– Amfi Nordfjord har hatt ei omsetting på 92,6 millionar kroner per veke 15. Legg vi denne omsetninga til grunn ligg Amfi Nordfjord an til å få ei årsomsetting på 320 millionar kroner. I tillegg veit vi at 4. kvartal brukar å ha høgare ukesomsetting. Det er også ca. 500 kvm som vi ikkje har skrive langsiktige kontraktar på, som det vil komme avtalar på i løpet av året. Samanlagt vil dette bidra positivt til auka omsetting, seier utviklingssjef i Olav Thon Gruppen Else Andersen.
Det er ikkje berre dei nye butikkane i senteret som opplever vekst, det gjer også dei opphavlege butikkane. Butikkane som har gjort aktivt grep for forandring i butikken, ved å flytte ein vegg, eller bygge heilt om har fått god respons frå kundane og auka mest i omsetting.
– Det å halde seg aktuell for kundane er kjempeviktig. Hittil så går kjøpesenteret godt over alle bransjane, og det er ein god generell driv blant alle leigetakarane, seier Andersen.
