Johan Espelund bidrog til å skape god stemning med musikalske innslag under opninga av dagens kunstutstilling med maleri av Reidun Øverås i Kulturhuset Gamlebanken på Nordfjordeid.
            (Foto: Anna Wuttudal)

Johan Espelund bidrog til å skape god stemning med musikalske innslag under opninga av dagens kunstutstilling med maleri av Reidun Øverås i Kulturhuset Gamlebanken på Nordfjordeid.Foto: Anna Wuttudal

Får energi og inspirasjon frå naturen

Reidun Øverås frå Volda opna i dag separatutstilling i Kulturhuset Gamlebanken.

Tema for utstillinga er «Lys og linjer i landskapet», og dei fleste av maleria viser nettopp dette.

Reidun Øverås fortel at ho går mykje ute på tur i skogen og på fjellet og hentar energi og inspirasjon frå naturen. I arbeidet med denne utstillinga har ho i hovudsak konsentrert seg om det vestnorske landskapet, der ho føler at ho høyrer til.

–  Min intensjon er å få fram det typiske her; dei dramatiske vêrskifta, kjensla av fleire årstider på ein dag, lyset du opplever når uvêret er over og lyset over fjellet om kvelden. Linjene som viser seg i landskapet og er i stadig endring, blir eg aldri lei av, seier Øverås. Ho leitar etter det enkle og tidlause i biletformidlinga, og ønskjer å få fram ei stemning eller ei oppleving, meir enn å gjengje akkurat det ein ser.

  Øverås har måla sidan 2002, først akryl og litt akvarell, seinare mest olje. I 2008, 54 år gamal byrja ho på Ålesund kunstfagskule der ho gjennomførte ei toårig utdanning i visuell kunst.

– Eg er fascinert av Vestlandet. Her er det så frodig og friskt. Eg er utruleg glad i naturen, seier Reidun Øverås, som no har separatutstilling i Kulturhuset Gamlebanken.

– Eg er fascinert av Vestlandet. Her er det så frodig og friskt. Eg er utruleg glad i naturen, seier Reidun Øverås, som no har separatutstilling i Kulturhuset Gamlebanken.

Mange av maleria til Øverås viser dramatiske vêrskifte med lys over fjella.

Mange av maleria til Øverås viser dramatiske vêrskifte med lys over fjella.