I år er det den nordnorske stjernekometen Dagny som skal få æra av å opne det heile. Ho leverer popsongar med eit pop/rock-sound som appellerer til alle - også ein hardbarka Malakoffrockar.
Kongane av dampande sveitt dongeri og rett-i-trynet-punkrock, Turbonegro, headlinar den aller fyrste torsdagskvelden ute i Malakoffamfiet. Ein konsert med eit av Noregs tøffaste rockeacts på Malakoff vert alltid god stemning.
Tidlegare på kvelden får ein oppleve fyrverkeriet frå Bosnia-Hercegovina, Dubioza kolektiv. Dei spelar ei deilig blanding av rock, reggae, hiphop, punk og balkansk folkemusikk framført med ein herleg entusiasme som få andre band kan måle seg med.
– Vi er strålande nøgde med å kunne presentere dette musikalske trekløveret til opningsdagen av Malakoff17. Ein får servert tre fabelaktige liveartistar som veit å glede sitt publikum. Vi garanterer god stemning frå start til slutt, seier festivalsjef Arnt-Ivar Naustdal.
Dermed er Biffy Clyro, Karpe Diem, Turbonegro, Duvioza Kolektiv, Janove, Spidergavd, Dagny og Kjartan Lauritzen klare til Malakoff-festivalen.
Festivalen opnar torsdag 20.juli og varer i tre dagar til og med 22. juli.
Malakoff har dei siste 4 åra vore utsolgt med 12 000 publikummerar kvar dag, 5 000 festivalcamperar og ei unik festivalstemning.
I løpet av vinteren vil det komme fleire namn på den elles så rikhaldige artist-lista.
