– Eg er svært glad for at vi har fått ei budsjettsemje mellom Høgre, FrP, KrF og Venstre. Det vil gi fleire barn ein betre oppvekst. Det blir fleire lærarar til tidleg innsats. Det blir fleire vaksne i barnehagane. Vi styrkjer innsatsen mot valdsutsette barn. Vi får til betydelege kutt i klimagassutsleppa. Takk til Trine, Knut Arild og Siv for gode samtalar, seier statsminister Erna Solberg.
Høgre sin finanspolitiske talsperson, Svein Flåtten, er glad for at landet har fått eit budsjett godt tilpassa den økonomiske situasjonen.
– Mange fylke har opplevd at ledigheita har gått ned det siste året. Nord-Norge og Innlandet har rekordhøg aktivitet og veldig lav ledighet. Situasjon på Sør- og Vestlandet er fremdeles krevjande. Det krev fortsatt målretta tiltak mot bransjar og regionar. Samtidig må vi fortsette å bidra til den langsiktige omstillinga. Budsjettsemja sikrar dette gjennom investeringar i samferdsel, kunnskap og grøn teknologi, seier Flåtten.
– Klimatiltak har vore sentralt i alle budsjettforhandlingane mellom samarbeidspartia. Vårt samarbeid har resultert i tidenes klimabudsjett i 2014, 2015 og 2016. Venstre og KrF har fått større gjennomslag for å redusere klimagassutslepp enn nokon andre parti har fått nokon gong tidlegere, seier statsministeren.
– Vi meiner vi la frem tidenes grønaste budsjettforslag. Det har no blitt endå grønare. Enigheita inneber betydelege kutt i klimagassutsleppa og gjer oss betre i stand til å innfri våre forpliktelser i henhold til Paris-avtalen, seier Solberg.
– Det vart kutta over 600.000 tonn CO i 2017. Så vidt eg veit har det aldri før vore så store utsleppskutt frå eit år til eit anna i Norge utan at det har skjedd samtidig som store økonomiske tilbakeslag. For Høgre er det viktig at det grøne skiftet er berekraftig, dvs at det lar seg kombinere med økonomisk vekst, fleire jobbar og dermed finansieringa av framtidig velferd. Det har vi med årets budsjett vist at er muleg, avsluttar Svein Flåtten.