«Sløkte» gul brannmann

Heile veka har barnehagane fokusert på førebygging, og øvd på kva ein gjer viss set byrjar å brenne. Brannvernsveka vert gjennomført kvart år i starten av barnehage- og skuleåret. Ungane har fått høyre både på brannalarm, øvd på evakuering, og no til sist sett på brannbilen og fått prøve å spyle med ein brannslange.

– Dette er noko barna synest er veldig kjekt, og alle som vil får prøve seg, seier ei av dei tilsette i barnehagen.

Barna stiller opp på rad, og får lov til å prøve å spyle på ein frivillig frå brannvesenet som har ikledd seg heildekkjande regndress.

Brannvernsveke i Golvsengane barnehage. Ungane fekk prøve å spyle med brannslange, og kikke inn i brannbilen.