Denne førespurnaden sende Bjørlo brev til Nordfjord Havn om, dagen etter styremøtet måndag. Her ber Bjørlo om at styreleiaren stiller for å orientere om styret si avgjerd og svare på spørsmål frå formannskapet.
– Formannskapet i Eid vil på vårt møte drøfte situasjonen for tilhøvet mellom Nordfjord Havn IKS og Eid kommune der vi no står, jamfør kommunestyrevedtak i Eid i to rundar om å få fram sak om mulig utmelding av Nordfjord Havn IKS, heiter det i brevet.
Hard kritikk
Bjørlo kjem i brevet med hard kritikk av styreleiar Elisabeth Elliott:
– Eg registrerer også at styreleiar ikkje har imøtekome Eid kommune v/ordførar si oppmoding og ønske om dialog på førehand av styrehandsaminga for å få svar på eventuelle spørsmål styret måtte ha om saka, for eksempel om strukturering av samarbeid mellom Eid kommune og Nordfjord Havn for å sikre styring/koordinering av den samla cruiseaktiviteten.
Det har ikkje lukkast Fjordabladet å få kontakt med styreleiar i Nordfjord Havn IKS, Elisabeth Elliott.