Føl-idyll i Hjelmelandsdalen

Silje Kvalvik fekk eit nydeleg hoppeføl på hoppa si Herborg 25. juni. Følet er etter Herborg, og Ninjar.

– Ja, eller, eg trur det er Ninjar som er faren. Det står mellom to. Det kan også vere Major sitt, men då skulle Herborg hatt termin litt seinare i juli, seier Silje litt lattermildt.

Følet er allereie lova vekk til ein kjøpar. Frå før har Herborg fire hingsteføl, så no passar ho ekstra godt på hoppefølet sitt, og leikar og spring med det over enga på Årøyane gard.