Statssekretær Tom Cato Karlsen skal klippe snora.
Frå nord er E39 lagt forbi Sande sentrum, med ny bru over elva Gaula - Sandafoss bru. Dette gir innkorting av vegen, og avlasting av trafikken gjennom Sande sentrum. Det er også bygd ny rundkøyring til fylkesveg 610. Lengre sør på E39 var vegen langs Dregebøvatnet og Økslandsvatnet smal og hadde dårleg bereevne. Vegen er no utbetra og sikra mot skred, og det er bygd ein 850 meter lang tunnel langs Økslandsvatnet.
Prosjektet inneheld i tillegg fire andre bruer, som har ei lengde mellom 15 og 20 meter: Dregebø bru, Øksland bru, Løfallselva bru og Løfall bru. På delar av strekninga er det bygd gang- og sykkelveg, og det er laga fleire undergangar.
Hovudentreprenør er AF Gruppen Norge AS, medan Mesta AS har utført entreprisen med betongarbeid Sande. Prosjektet har kosta 680 millionar i 2016- kroner.