Kjøt-direktør arrestert i Brasil

Brasiliansk politi har arrestert toppsjefen i den største kjøtprodusenten i verda JBS, som frå før har innrømt å ha gjeve stikkpengar til 1.900 politikarar.

Administrerande direktør for kjøtindustrigiganten JBS, Wesley Batista, blei arrestert onsdag. Han blir no skulda for å ha manipulert finansmerknadene under korrupsjonsetterforskinga som mellom anna omfattar president Michel Temer.

Politiet meiner Batista har skodd seg under uroa som oppstod i marknadene som følgje av rolla til direktøren i korrupsjonsskandalen.

Wesley Batista og bror hans Joesley Batista, som blei arrestert sist søndag, har tidlegare inngått ein avtale med påtalemakta i saka. Då vedgjekk dei at JBS hadde betalt titals millionar kroner i stikkpengar til så mange som 1.900 politikarar.

Då tilståingsavtalen blei kjend, stupte aksjane til JBS.

No blir Wesley Batista skulda for å ha skodd seg på handel med JBS-aksjar mellom 24. april og 17. mai, før avtalen blei offentleggjort.

Advokatane til brørne seier i ein uttale at påstandane om innsidehandel er urettferdig og absurd, ifølgje nyheitsbyrået Agencia Brasil.

Smørjinga til JBS-brørne føyer seg inn i rekkja av liknande korrupte nettverk som har blitt avdekt hos andre brasilianske storselskap dei siste åra. Det nye er at det no også blir sett fram skuldingar mot presidenten i Brasil.

Batista-brørne har gjeve påtalemakta det som blir omtalt som sterke bevis mot Temer i form av lydopptak. Presidenten blir mellom anna skulda for å ha fått om lag 1,2 millionar kroner frå JBS. Presidenten har avvist alle skuldingane.

(©NPK)

Siste nyhende

FN: Færre flyktningar har komme frå Libya etter EU-avtale

Talet på flyktningar som har nådd Italia via Libya, har falle kraftig sidan EU inngjekk ein omstridd avtale med libyske styresmakter, opplyser FN.

Syrisk opposisjon gjentar krav om Assads avgang

Ei gruppe syriske opprørs- og opposisjonsgrupper krev enda ein gong at president Bashar al-Assad må gå av.

Argentinsk marine: Ubåt kan ha vore ramma av eksplosjon

Ein eksplosjonsliknande lyd vart registrert rett etter at den argentinske ubåten med 44 menneske om bord forsvann for ei veke sidan, opplyser marinen i landet.

Rwanda vil ta imot 30.000 migrantar utsette for slavehandel i Libya

Rwanda kunngjer at dei vil tilby seg å ta imot rundt 30.000 flyktningar som har vorte utsette for slavehandel av væpna grupper i Libya.

Sveits lover pengehjelp til EU-land 

Sveits vil gi 10,7 milliardar kroner i økonomisk hjelp til fattige medlemsland i EU.