700 ordførarar i Catalonia kan bli arresterte

Spanias riksadvokat Jose Manuel Maza har starta etterforsking av 700 ordførarar som støttar folkeavstemminga i Catalonia. Dei kan bli arresterte, åtvarar han.

Dei regionale styresmaktene har bedt dei 947 ordførarane i Catalonia om å stilla lokale til rådvelde for den planlagde folkeavstemminga om lausriving frå Spania. Med etterforskinga og åtvaringa si prøver Maza å hindra dette.

Han varsla onsdag at 712 ordførarar no skal etterforskast fordi dei allereie har tilbydd å stilla opp med lokale til den planlagde avstemminga 1. oktober.

Det regionale politiet i Catalonia har no fått ordre om å arrestera dei dersom dei ikkje følgjer oppmodinga om innkalling til avhøyr, uttalte Maza onsdag.

Den regionale koalisjonsregjeringa i Catalonia har varsla at ho skal gjennomføra planen om å halda folkeavstemming om lausriving frå Spania, trass i at grunnlovsdomstolen har erklært avstemminga for grunnlovsstridig.

Statsminister Mariano Rajoy har fleire gonger sagt at ei slik folkeavstemming vil vera ulovleg, og at han ikkje under nokon omstende vil tillata at den rikaste og økonomisk viktigaste regionen i Spania erklærer seg som uavhengig.

Tysdag sa justisminister Rafael Catala at han fryktar gatekampar 1. oktober.

(©NPK)

Siste nyhende

Kurdarane i Irak vil halde folkeavstemming trass motstand

Leiarane i Kurdistan nektar å avblåse folkeavstemminga om lausriving måndag, trass i truslar og åtvaringar frå mange kantar.

Corbyn: – Brexit-planane til regjeringa er framleis uklare

Regjeringa til statsminister Theresa May har framleis ikkje klargjort kva slags forhold Storbritannia skal ha til EU etter brexit, meiner Jeremy Corbyn.

Theresa May avviser EØS-løysing

EØS er ikkje godt nok for det britiske folk, meiner statsminister i Storbritannia Theresa May.

Båt med flyktningar forliste i Svartehavet – 15 døde

15 personar mista livet då ein båt med flyktningar forliste i Svartehavet utanfor Tyrkia tidleg fredag, melder kystvakta.

18-åring sikta for T-baneangrepet i London

Ein 18 år gammal mann er sikta for drapsforsøk i samanheng med sprengladninga som gjekk av i T-banesystemet i London førre fredag.