Merkel aukar bistanden til flyktningar og migrantar

Statsminister i Tyskland Angela Merkel lovar å gi 468 millionar kroner i middel til flyktningorganisasjonane UNHCR og IOM innan utgangen av 2017. 

Den tyske statsministeren seier ho vil auke bistanden til flyktninghjelp og jobbe for politisk stabilitet i Libya.

– Det er framleis mykje arbeid som ligg framfor oss, sa Merkel på ein pressekonferanse ho heldt saman med leiarane for både høgkommissæren for flyktningar i FN (UNHCR) og Den internasjonale organisasjonen for migrasjon (IOM).

Tyskland opna grensene under flyktningkrisa i 2015, og rundt 890.000 migrantar og flyktningar kom til landet dette året. Etter at EU inngjekk ein avtale med Tyrkia om å la flyktningar og migrantar bli i landet, har talet som har komme til Tyskland, blitt stadig mindre. No håpar Merkel ein liknande avtale kan gjerast med Libya.

Ho understreka også at politisk stabilitet i Libya er naudsynt for å kunne stanse straumen av migrantar til Europa.

(©NPK)

Siste nyhende

Peter Madsen blir varetektsfengsla i fire nye veker

Den danske ubåtkapteinen Peter Madsen går frivillig med på varetektsfengsling i ytterlegare fire veker.

Nepals kommunistparti på veg mot valsiger

Ein kommunistisk allianse i Nepal har kurs mot eit komfortabelt fleirtal i nasjonalforsamlinga, i det første ordinære valet på 18 år.

Rahul Gandhi blir ny leiar for Kongresspartiet i India

Rahul Gandhi overtar etter mora Sonia som leiar for Kongresspartiet i India.

57 for retten etter nattklubbangrep i Istanbul

Saka mot 57 personar, blant dei ein usbekar utpeikt som hovudmann, er i gang etter nyttårsangrepet mot ein nattklubb i Istanbul der 39 personar vart drepne.

Putin gir ordre om delvis tilbaketrekking av russiske styrkar frå Syria

Russlands president Vladimir Putin har gitt ordre om ei delvis tilbaketrekking av russiske styrkar frå Syria.