Meiningsmåling: Gjer Obamacare meir effektiv

Kun 3 av 10 amerikanarar meiner at presidenten burde jobbe vidare for å erstatte den eksisterande helsereforma, ifølgje ei ny meiningsmåling. 

Resultata av meiningsmålinga, gjort av uavhengige Kaiser Family Foundation, blei lagt fram fredag.

1.211 amerikanske vaksne har svart på spørjeundersøkinga, som blei gjennomført i etterkant av at eit fleirtal i Senatet i slutten av juli sa nei til å skrote det førebels siste utkastet til ein ny helseplan.

Ønsket til president Donald Trump om å erstatte helsereforma til forgjengar Barack Obama, også kjent som Obamacare, er noko han burde legge på is, ifølgje resultatet av meiningsmålinga. Nesten 4 av 5 av dei spurde svarer at dei vil at administrasjonen til presidenten burde gjennomføre tiltak for å sikre at Obamacare fungerer skikkeleg, heller enn å undergrave reforma.

Trump har blant anna trua med å stanse lovpålagde utbetalingar til forsikringsselskap, med mindre lovgivarane opphevar og erstattar Obamacare.

Kun 3 av 10 svarer at dei ønskjer at Trump og republikanarane skal jobbe vidare for å oppheve og erstatte helsereforma. Eit fleirtal meiner også at det var riktig av Senatet å seie nei til det førebels siste utkastet.

Samtidig svarer 6 av 10 republikanarar og Trump-støttespelarar at dei meiner administrasjonen burde jobbe vidare for å oppfylle slagordet «opphev og erstatt».

Meiningsmålinga blei gjennomført mellom 1. og 6. august. Feilmarginen er på inntil 3 prosentpoeng.

(©NPK)

Siste nyhende

Peter Madsen blir varetektsfengsla i fire nye veker

Den danske ubåtkapteinen Peter Madsen går frivillig med på varetektsfengsling i ytterlegare fire veker.

Nepals kommunistparti på veg mot valsiger

Ein kommunistisk allianse i Nepal har kurs mot eit komfortabelt fleirtal i nasjonalforsamlinga, i det første ordinære valet på 18 år.

Rahul Gandhi blir ny leiar for Kongresspartiet i India

Rahul Gandhi overtar etter mora Sonia som leiar for Kongresspartiet i India.

57 for retten etter nattklubbangrep i Istanbul

Saka mot 57 personar, blant dei ein usbekar utpeikt som hovudmann, er i gang etter nyttårsangrepet mot ein nattklubb i Istanbul der 39 personar vart drepne.

Putin gir ordre om delvis tilbaketrekking av russiske styrkar frå Syria

Russlands president Vladimir Putin har gitt ordre om ei delvis tilbaketrekking av russiske styrkar frå Syria.