Ole Brumm teken av sensuren i Kina – liknar for mykje på president Xi Jinping

Den elskelege, men mentalt enkle bjørnen Ole Brumm er blitt offer for kinesiske sensurmyndigheiter. Inga forklaring er gitt. 
utenriks

Kosedyret med det engelske namnet Winnie the Pooh innrømmer sjølv at han kanskje ikkje har verdas største hjerne, og nå har tydelegvis nettsensuren komme til at koplinga mellom Pooh og XI er i overkant frekk.

Samanlikninga mellom dei to dukka først opp i 2013, da fleire kinesiske nettstader sette bilde av Brumm og den slanke vennen hans Tigergutt opp mot den trinne Xi og den heilslanke Barack Obama.

I 2014 blei det lagt ut bilde av Xi og den japanske statsminister Shinzo Abe, den gong kopla til ein animert versjon der Brumm trykken hoven til eselet Tussi. Året etter blei Brumm og Xi montert saman i eit bilde der dei to står i ein leikebil og liksom helsar folket. Bildet blei raskt kalla årets mest sensurerte.

Kinas styrande kommunistparti er tydelegvis svært følsamt overfor framstillingar som kan latterliggjere og kanskje svekkje presidenten framfor den viktige partikongressen seinare i år.

(©NPK)