EØS strevar med å ta unna rettsakter

Meir enn 500 rettsakter står i kø for å bli tatt inn i EØS-avtalen. EU er ikkje fornøgd.

Tysdag møttest EU og EØS-landa til det faste halvårige rådsmøtet sitt i Brussel.

Der vart det lagt fram ein framdriftsrapport for samarbeidet i EØS. Den viser at i alt 501 rettsakter har gått over fristen for innlemming i EØS-avtalen.

Det er rett nok ein reduksjon på 3,1 prosent frå det førre møtet i november i fjor. Men frå mai til november i fjor svulma talet med nærmare 20 prosent.

Talet er framleis for høgt, blir det slått fast i slutterklæringa frå rådsmøtet. Europaminister Frank Bakke-Jensen (H) legg ikkje skjul på at EU-sida gav uttrykk for misnøye.

– Vi får skjenn for talet på rettsakter. Men vi får òg skryt for at vi er gode på viktige område, seier Bakke-Jensen til NTB.

Han trekkjer fram finansreguleringa og garantiordninga for bankinnskot som spesielt vanskelege saker.

– Finans er eit komplisert felt. Behova i dei tre EØS-landa er veldig forskjellige, så her strevar vi med å få gjennomslag for det som passar oss, seier Bakke-Jensen.

Andre problemsaker er det tredje postdirektivet, telekombyrået Berec og direktivet for offshoretryggleik.

(©NPK)

Siste nyhende

Nesten 50.000 har flykta i frykt for vulkanutbrot på Bali

Nærmare 50.000 menneske har flykta frå område rundt vulkanen Agung på Bali i Indonesia i frykt for at det kan komme eit utbrot.

Australia får eige romfartsselskap 

Australia får sitt eige nasjonale romfartsselskap, kunngjorde regjeringa måndag.

Russisk general drepen i Syria

Ein russisk general er drepen i kampar mot IS nær byen Deir al-Zor aust i Syria, ifølgje russiske styresmakter.

Statsleiarar gratulerer Merkel med valsigeren

Den franske presidenten Emmanuel Macron er ein av mange statsleiarar som har gratulert statsminister Angela Merkel med valsigeren i Tyskland.

Kurdarane i Irak vil halde folkeavstemming trass motstand

Leiarane i Kurdistan nektar å avblåse folkeavstemminga om lausriving måndag, trass i truslar og åtvaringar frå mange kantar.