FN: 38.000 drivne på flukt i Afghanistan hittil i år

Konflikten i Afghanistan har så langt i år tvinga over 38.000 menneske på flukt frå heimane sine, ifølgje FN.
utenriks

Ifølgje ein rapport frå FN som vart lagt fram måndag, er folk drivne på flukt så å seie over heile landet, i provinsar aust, nord, nordaust, sør og sentralt i landet. Verst er det i provinsane Kunduz og Baghlan nordaust i Afghanistan.

57 prosent av alle dei som er drivne på flukt hittil i år, er barn under 18 år, ifølgje FN-rapporten.

FN åtvarar også om at situasjonen spesielt i sør kan forverre seg betrakteleg når Taliban innleier sin våroffensiv. Det brukar som regel å skje i månadsskiftet mars-april.

FN anslår at så mange som 450.000 sivile afghanarar vil bli tvungne på flukt internt i landet i 2017.

I 2016 vart det registrert over 653.000 internt fordrivne i Afghanistan.

(©NPK)