David Rockefeller (101) er død

Den amerikanske milliardæren og filantropen David Rockefeller er død, 101 år gammal.

Det opplyser ein talsmann for familien måndag. 101-åringen døydde av hjartestans i heimen sin i Pocantico Hills i delstaten New York.

David Rockefeller var overhovud for den segnomspunne Rockefeller-familien, ein av USAs rikaste familiar.

Han vart fødd i 1915 som son av oljemagnaten John D. Rockefeller Jr. og barnebarn av John D. Rockefeller Sr. Sistnemnde var den første amerikanar som vart dollarmilliardær og vart i si tid omtalt som "den rikaste mannen i verdshistoria".

Barnebarnet David Rockefeller var ifølgje Forbes sjølv god for 3,3 milliardar dollar, tilsvarande om lag 28 milliardar kroner.

(©NPK)

Siste nyhende

Nesten 50.000 har flykta i frykt for vulkanutbrot på Bali

Nærmare 50.000 menneske har flykta frå område rundt vulkanen Agung på Bali i Indonesia i frykt for at det kan komme eit utbrot.

Australia får eige romfartsselskap 

Australia får sitt eige nasjonale romfartsselskap, kunngjorde regjeringa måndag.

Russisk general drepen i Syria

Ein russisk general er drepen i kampar mot IS nær byen Deir al-Zor aust i Syria, ifølgje russiske styresmakter.

Statsleiarar gratulerer Merkel med valsigeren

Den franske presidenten Emmanuel Macron er ein av mange statsleiarar som har gratulert statsminister Angela Merkel med valsigeren i Tyskland.

Kurdarane i Irak vil halde folkeavstemming trass motstand

Leiarane i Kurdistan nektar å avblåse folkeavstemminga om lausriving måndag, trass i truslar og åtvaringar frå mange kantar.