Auschwitz-bokhaldar fekk ikkje medhald i anke

(NPK-NTB-AP): Den 95 år gamle Oskar Gröning, som var tilsett som bokførar i konsentrasjonsleiren Auschwitz, har ikkje fått medhald i anken sin. Dermed blir dommen på fire års fengsel for å vere delaktig i drap på 300.000 menneske ståande.

Den opphavlege dommen blir halden oppe, uttalte Grönings forsvarar Hans Holtermann måndag.

Gröning blei i fjor dømt til fire års fengsel.

Det er første gong at ein tysk ankedomstol har avgjort å fatte ei avgjerd basert på at ein er delaktig i drap berre ved å vere tilsett i ein konsentrasjonsleir.

Gröning jobba med å bokføre verdisakene til jødane. Han sorterte verdiar og telte pengar som blei tekne frå dei som blei drepne eller brukt som slavearbeidarar.

Den tidlegare Waffen-SS-soldaten hadde ein kontorjobb og tok ikkje direkte livet av nokon, men han er like fullt medansvarleg og delaktig i massedrap, heitte det i dommen i fjor. Gröning beklaga i retten det han gjorde i Auschwitz og sa at ingen skulle ha delteke i det som skjedde der.

Rundt 1,1 millionar menneske, dei aller fleste av dei jødar, blei drepne i Auschwitz. (©NPK)

Siste nyhende

Nytt jordskjelv ramma Iran

Eit jordskjelv med styrke 6,2 har ramma søraustlege delar av Iran, men ifølgje lokale medium er det førebels ikkje meldt om skadar.

Nye israelske bombeangrep mot Gazastripa

Israelske kampfly gjennomførte nye bombeangrep mot Gazastripa måndag kveld. Angrepa skal ha vore svar på rakettar skotne mot Israel.

Lauslaten fange i Egypt fortel at mange cellekameratar vart radikaliserte

Ein irsk-egyptar som nyleg vart lauslaten etter fire år i egyptisk fengsel, opplyser at mange blir radikalisert under dei svært brutale fengselsforholda.

Amnesty: EU bidrar til misbruk av migrantar i Libya

Europeiske styresmakter har utsett hundretusenvis av menneske for tortur og misbruk i Libya, vel vitande om sine handlingar, ifølgje Amnesty International.

Nye funn i søket etter sakna argentinsk ubåt

Den argentinske marinen har ved hjelp av sonar gjort to funn i søket etter den sakna ubåten. Det er uvisst om det er delar av ubåten som er funne.