Wathne sluttar i TV 2

Davy Wathne gir seg i TV 2. TV-profilen takka torsdag arbeidskameratar for samarbeidet gjennom meir enn to tiår, skriv Dagens Næringsliv.

Wathne, som blir 68 år 1. nyttårsdag, har vore eitt av TV 2s mest kjente ansikt sidan kanalen starta opp i 1992. Torsdag takka han kollegaene i ein e-post, skriv DN.

«Med takk for uforgløymelege augneblink gjennom eit kvart hundreår. Møt utfordringane i framtida med rak rygg, sunn skepsis og ubestikkeleg integritet. Dette fikser de saman», skriv Wathne ifølgje avisa.

I eit intervju med same avis nyleg lufta veteranen sin frustrasjon over eigen arbeidsgivar.

– Eg er skuffa over at eg ikkje får brukt arbeidskrafta mi. 2017 er blitt mykje meir innhaldslaust, mindre arbeidskrevjande og mindre interessant. Derfor kjem det ikkje som noka overrasking på leiarane mine at eg syslar med andre planar, men det er langt frå tatt noko avgjerd, sa Wathne.

No skal avgjerda altså vere tatt.

(©NPK)

Siste nyhende

VM: Russland til kvartfinale etter ekstraomgangar

Russland slo Sør-Korea i ein dramatisk 1/8-finale i handball-VM måndag. Russarane vann 36–35 etter ekstraomgangar og ser ut til å vere over OL-bakrusen.

Real Madrid møter PSG allereie i åttedelsfinalen

Det er duka for fleire godbitar i åttedelsfinalane i meisterligaen. Den største kampen blir utvilsamt tittelforsvarar Real Madrid mot Paris Saint-Germain.

Klæbo frontar Noregs Toblach-tropp

Johannes Høsflot Klæbo (21) er tilbake i langrennsverdscupen når det ventar to nye renn i italienske Toblach til helga.

Over ein million såg handballjentene tape mot Sverige

1,1 millionar sjåarar var innom VM-kampen i handball mellom Noreg og Sverige fredag kveld.

Russiske utøvarar vil konkurrere under nøytralt flagg

Mens Russland som nasjon er utestengt frå OL, melder fleire av utøvarane at dei vil ta imot tilbodet om å konkurrere under det olympiske flagget.