Noreg klatrar vidare på Fifa-rankinga

Det norske herrelandslaget i fotball klatrar til 73.-plass på den oppdaterte FIFA-rankinga torsdag. Tyskland er tilbake på toppen.

Etter å ha vunne over Aserbajdsjan (2–0) og blitt rundspelt av Tyskland (0–6) i VM-kvalifiseringa nyleg gjer Noreg eit byks på 12 plassar sidan augustrankinga. Då var 85.-plass norsk status.

Dermed bevegar mannskapet til Lars Lagerbäck seg oppover på lista for andre månad på rad etter 88.-plassen i juli. Det var dessutan Noregs svakaste plassering nokosinne.

Tyskland, som i starten av september fillerista Noreg i Stuttgart, tar tilbake førsteplassen. Brasil og Portugal ligg som nummer to og tre.

Inne på topp ti er også Argentina, Belgia, Polen, Sveits, Frankrike, Chile og Columbia.

Åge Hareides Danmark gjer eit byks på heile 20 plassar og legg seg på 26.-plass, mens Sverige fell frå 19.- til 23.-plass. Lars Lagerbäcks gamle venner på Island fell to plassar til 22.-plass.

I Noregs VM-kvalgruppe ser rankinga no slik ut:

1) Tyskland 1606 poeng

20) Nord-Irland 945

58) Tsjekkia 630

73) Noreg 472

92) Aserbajdsjan 388

204) San Marino 10

(©NPK)

Siste nyhende

Tidlegare OL-meister Alptekin utestengt på livstid

Friidrettsforbundet i Tyrkia har utestengt tidlegare OL-meister Asli Cakir Alptekin på livstid etter det tredje brotet på antidopingreglane.

Kristiansen skuffa over resultatet

Dei norske U23-syklistane var med å prege VM på heimebane. Dei var ute etter gullet, men enda opp med granbar med Anders Skaarseth som beste på 10.-plass

Cosnefroy ordna fransk siger i U23-fellesstarten

Benoît Cosnefroy frå Frankrike blei U23-verdsmeister i fellesstart under sykkel-VM i Bergen. Han slo tyske Lennard Kämna i spurten.

Skadd Neymar mistar kamp

Neymar trøblar med den høgre foten sin og spelar ikkje Paris Saint-Germains seriekamp mot Montpellier i den franske serien laurdag.

Kristoff reknar med deltaking i nytt norsk ritt

Alexander Kristoff forventar å delta på heimebane under det nye sykkelrittet Hammer Series i Stavanger og Sandnes, som blir sykla i slutten av mai 2018.