Zlatan på veg tilbake til United

Manchester United er i forsiktige samtalar med Zlatan Ibrahimovic om å kunne hente han tilbake til klubben.

Det stadfesta manager José Mourinho på ein pressekonferanse fredag.

Svensken hadde ein svært god sesong før han skadde det eine kneet alvorleg i ein europaligakamp. Ibrahimovic er truleg ikkje tilbake i fotballspel før godt over nyttår.

– Det er for tidleg å snakke om ein avtale, men eg føler at Zlatan har meir å gi, sa Mourinho.

(©NPK)

Siste nyhende

Real Madrid møter PSG allereie i åttedelsfinalen

Det er duka for fleire godbitar i åttedelsfinalane i meisterligaen. Den største kampen blir utvilsamt tittelforsvarar Real Madrid mot Paris Saint-Germain.

Klæbo frontar Noregs Toblach-tropp

Johannes Høsflot Klæbo (21) er tilbake i langrennsverdscupen når det ventar to nye renn i italienske Toblach til helga.

Over ein million såg handballjentene tape mot Sverige

1,1 millionar sjåarar var innom VM-kampen i handball mellom Noreg og Sverige fredag kveld.

Russiske utøvarar vil konkurrere under nøytralt flagg

Mens Russland som nasjon er utestengt frå OL, melder fleire av utøvarane at dei vil ta imot tilbodet om å konkurrere under det olympiske flagget.

Bonus på 105.000 lokkar etter VM-gull

Det er mykje på spel for Noregs handballjenter i VM. Ein ny tittel er verdt 105.000 kroner for kvar av spelarane.