Kristoff vann Arctic-etappen til Bardufoss

Den ferske EM-meisteren Alexander Kristoff innfridde favorittstempelet med spurtsiger på den andre etappen av sykkelrittet Arctic Race til Bardufoss fredag.

Katusha-ryttaren var storfavoritt før den flate andreetappen, og vann sikkert i massespurten på flyplassområdet i Bardufoss.

– Det var som (Petter) Northug ville sagt. Det var eit barnesykkelløp. På slutten var det enkelt. Michael (Mørkøv) og Reto (Hollenstein) gjorde ein kjempeinnsats på sisterunden for å tette luka, og når ein har så gode lagkameratar blir det enkelt, sa Kristoff til TV 2.

– Det er herleg å få ein siger i Arctic. Det er det eg kom hit for. No kan eg senke skuldrene, held han fram.

Det var den femte etappesigeren til Kristoff i rittet gjennom karrieren. 30-åringen har vunne fem av åtte norske etappesigrar i det norske rittet.

Hugo Hofstetter og Andrea Pasqualon var nærmast Kristoff i spurten. Kristoffer Halvosen blei nest beste norske med ein sjetteplass.

Dylan Teuns leiar samanlagt etter å ha vunne opningsetappen torsdag. Pasqualon er to sekund bak, mens Kristoffer nummer tre, tre sekund bak leiaren.

(©NPK)

Siste nyhende

Russlands OL-komité trur på 200 russarar i OL

Russiske utøvarar som vil delta i OL under nøytralt flagg, får støtte av Russlands olympiske komité. Det blir forventa rundt 200 russarar til start.

Ein million såg Noreg avansere i handball-VM

I snitt følgde 958.000 TV-sjåarar Noregs siger over Spania i handball-VM måndag. 

VM: Russland til kvartfinale etter ekstraomgangar

Russland slo Sør-Korea i ein dramatisk 1/8-finale i handball-VM måndag. Russarane vann 36–35 etter ekstraomgangar og ser ut til å vere over OL-bakrusen.

Real Madrid møter PSG allereie i åttedelsfinalen

Det er duka for fleire godbitar i åttedelsfinalane i meisterligaen. Den største kampen blir utvilsamt tittelforsvarar Real Madrid mot Paris Saint-Germain.

Klæbo frontar Noregs Toblach-tropp

Johannes Høsflot Klæbo (21) er tilbake i langrennsverdscupen når det ventar to nye renn i italienske Toblach til helga.