Dumoulin knuste konkurrentane på tempoetappen

Nederlendaren Tom Dumoulin var ustoppeleg på den 39,8 kilometer lange tempoetappen i Giro d'Italia tysdag. Han vann med 49 sekund og tok over leiinga i rittet.

Nairo Quintana vann klatreetappen søndag og kunne kle seg i den rosa leiartrøya, men colombianaren hadde ingen god dag på temposykkelen. Han tapte så mykje som 2.53 minutt til Sunweb-ryttaren. Andremannen i samandraget, franskmannen Thibaut Pinot, tapte òg mykje.

Geraint Thomas frå Storbritannia starta tidleg på etappen og enda opp som andremann. Han vart slått med 49 sekund, mens nederlendaren Bob Jungels tok tredjeplassen 56 sekund bak.

Sindre Skjøstad Lunke er hjelperyttar på Sunweb-laget og skal vere med og forsvare den rosa leiartrøya i dagane framover.

Også den siste etappen i Giro d'Italia er i år ein tempoetappe. Det er ein tre mil lang flat etappe inne i Milano.

I samandraget leier Domoulin med 2.23 minutt føre Quintana, mens nederlendaren Bauke Mollema er nummer tre, 2.38 bak.

(©NPK)

Siste nyhende

Hoppjentene får lagkonkurranse i NM

Norges Skiforbund innfører lagkonkurranse for kvinner under hopp-NM i mars.

IOC stengjer ute fire nye utøvarar etter Sotsji-OL

Den russiske vinnaren i skeleton frå Sotsji, Alexander Tretjakov, er éin av fire nye utøvarar som ikkje får delta i OL i framtida.

Zlatans sko selde for nesten 300.000

Skoa Zlatan Ibrahimovic brukte då han scora fire mål mot England i 2012 er selde for 282.000 kroner.

Skiforbundet lanserer mentorprogram for kvinner

Skipresident Erik Røste vil ha fleire kvinnelege trenarar og leiarar. No kjem kvinneløftet i Norges Skiforbund.

Klart for Svindal-comeback

Noreg sender 19 utøvarar til dei kommande verdscuprenna i alpint i USA og Canada. Aksel Lund Svindal gjer comeback etter skade.