Oppgangen held fram på Oslo Børs

Hovudindeksen på Oslo Børs passerte 790 poeng torsdag. Då børsen stengde, låg indeksen på 790,39 poeng, ein oppgang på 0,25 prosent frå sluttkursen onsdag.

Omsetnaden torsdag enda på 4 milliardar kroner. Marine Harvest toppa omsetnadslista, og selskapet var også vinnaren blant dei mest omsette med ein vekst i aksjekursen på 1,7 prosent.

Oljeselskapet DNO var taparen med eit fall på 1,7 prosent. Statoil var nest mest omsett, men sluttkursen var den same som onsdag.

FTSE 100 i London og DAX 30-indeksen i Frankfurt steig begge med 0,2 prosent, mens CAC 40 i Paris fall med 0,1 prosent.

Eit fat nordsjøolje blei ved børsslutt omsett for 56,3 dollar, mens amerikansk lettolje gjekk for 50,4 dollar fatet, noko som er om lag det same som onsdag.

(©NPK)

Siste nyhende

Ein person omkom i kollisjon i Østfold

Ein person er bekrefta omkommen etter ein frontkollisjon mellom ein lastebil og ein personbil på riksveg 111 ved Veberg i Østfold.

Stadig fleire leverer inn farleg avfall

I fjor vart det levert inn rundt 1,48 millionar tonn farleg avfall. Det er ein auke på 5 prosent frå året før, og ein auke på heile 84 prosent sidan 2003.

SSB: – Fleire lærarar gav ingen effekt på karakterane

Satsinga på 600 fleire lærarar på ungdomsskuletrinnet har ikkje gitt noka betring i karakterane til elevane. Det viser tal frå Statistisk sentralbyrå (SSB).

Auka overskot for SAS

SAS hadde eit årsresultat på 1,73 milliardar svenske kroner før skatt for rekneskapsåret 2016/2017, mot 1,4 milliardar kroner i 2015/2016.

Storebrand største rentefond blir fossilfritt

Storebrand fjernar energiselskap frå sitt største rentefond for å gjere fondet fossilfritt.