Vil fengsle fire etter drapsforsøk i Oppegård

Politiet varslar at dei vil be om varetektsfengsling for fire av dei seks familiemedlemmene som er sikta for drapsforsøk på Oppegård. 

Blant dei seks familiemedlemmene som er sikta for drapsforsøk eller medverking til drapsforsøk, er det ein 15-åring, ein 16 år gammal gut, ein på rundt 18 år og foreldra til jenta. Begge foreldra blir kravd fengsla.

Dei to som ikkje blir framstilte for fengsling, blir overførte til barnevernet.

Politiet fekk tysdag kveld ved 19-tida vite om ei valdshending på Flåtestad i Greverud i Oppegård like sør for Oslo, der den 18 år gammal kvinne vart frakta til sjukehus. Det skal ha vore ein tilfeldig forbipasserande som melde frå om saka.

Den 18 år gamle kvinna vart ifølgje politiet påført store skadar, blant anna stikkskadar. Ho var onsdag utanfor livsfare.

– Vi vil krevje fire vekers varetekt med to veker full isolasjon for fire av dei sikta. Fengslingsmøtey vil bli kravd halde for lukka dører. Dei to andre sikta er overført til barnevernet, seier politioverbetjent Rikke Hallgren.


(©NPK)

Siste nyhende

Oslo Børs fell vidare

Hovudindeksen på Oslo Børs fall torsdag med 0,4 prosent til 803,95 poeng. Omsetninga enda på 2,75 milliardar kroner, nesten 4,5 milliardar mindre enn onsdag.

Ny SSB-direktør vil nullstille endringar 

Alle dei foreslåtte endringane i forskingsavdelinga i Statistisk sentralbyrå (SSB) blir sette til side, opplyser konstituert SSB-direktør Birger Vikøren.

Senterpartiet vil fryse bensinavgifta 

Sp frir til bilistane ved å fryse bensin- og dieselavgiftene og gi pendlarane eit løft i sitt budsjett. Samtidig aukar partiet skattane med 2,3 milliardar.

Bokhandlarprisen til Helga Flatland

Bokhandlarane har late seg begeistre av Helga Flatlands roman om ein moderne familie og har tildelt henne Bokhandlerprisen for 2017.