Snart er 95 prosent av befolkninga utan FM-dekning frå NRK

Neste onsdag sluttar NRK å senda radio over FM-nettet i Oslo, Akershus, Østfold og Vestfold. Dermed vil 94,5 prosent av befolkninga vera utan FM-radio frå NRK.

Sløkkinga blir markert med ein seremoni der sendarane blir skrudde av på Tryvann i Oslo.

– Det er Nina Stensrud Martin og Olav Viksmo Slettan som skrur av sendarane. I tillegg blir mellom anna radiosjefane i NRK og kommersiell radio til stades, opplyser NRK.

Etter 20. september må folk lytta til radiosendingane til NRK via internett, mobil, TV eller dab-radio i området der nettet er sløkt.

– Lyttarar som berre har hatt FM-radio til no, må finna ein digital erstattar, seier dagleg leiar Ole Jørgen Torvmark i Digitalradio Norge (DRN).

Etter sløkkinga neste veke, har NRK berre FM-sendingar i Troms og Finnmark. Dei blir etter planen slegne av 13. desember.

(©NPK)

Siste nyhende

Noreg får sitt første elfly til sommaren

Til sommaren får Noreg sitt første elfly. Målet er ifølgje Avinor at Noreg skal bli den første marknaden der elektriske fly tar ein betydeleg marknadsdel.

Nordlandsbanen stengt

Strekninga Bolna-Lønsdalen på Nordlandsbanen er stengt grunna fare for ras, melder Bane Nor fredag morgon.

Stor lekkasje i Oslo fylte kjellarar med vatn

Ein stor vasslekkasje gav store skadar i fleire næringsbygg i Nydalen i Oslo natt til fredag. Ei hovudvassleiing som rauk, var årsaka.

Mikroparti vil endre norsk økonomi etter islamsk modell

Det nystifta Rettferdspartiet vil droppe den økonomiske modellen vi har i dag med renter og kreditt og basere seg på ein økonomisk modell henta frå islam.