No blir det forbod mot skjult nummer ved telefonsal

Stortinget har vedtatt fleire innstrammingar i regelverket for telefonsal, mellom anna forbod mot skjult nummer og ferdigutfylte fakturaer.

Telefonsal toppar klagestatistikken hos Forbrukarombodet. No blir det vanskelegare for telefonseljarar å ta kontakt med dei som har reservert seg mot slikt sal.

Stortinget vedtok tysdag endringane i markedsføringslova samrøystes. Endringane ventar no på andre gangs behandling i Stortinget.

Det blir forbode å bruke skjult nummer ved telefonsal. Søkbare nummer i opplysningstenesta gjer det enklare for forbrukaren å identifisere kven som har ringt. Samtidig blir det lettare for Forbrukarombodet å følgje opp klagesaker.

Det blir òg forbode for næringsdrivande å innhente samtykke til telefonsal på vegner av fleire ulike næringsdrivande, til dømes når folk deltar i ein konkurranse eller ei undersøking på internett.

Eit tredje forbod rammar støttebrev frå frivillige organisasjonar. Dei kan ikkje lenger sende førespurnader om økonomisk støtte dersom førespurnaden kan bli oppfatta som eit krav om betaling, til dømes ein utfylt faktura med beløp, kontonummer og betalingsfrist.

(©NPK)

Siste nyhende

Bryggjeritopp fekk avgiftssjokk – kalla KrF-nestleiar ein skurk

Bryggjeritopp Petter Nome kallar i ein intern e-post KrF-nestleiar Olaug Bollestad ein skurk og meiner ho har mykje av skulda for avgiftsauken på brus og snop.

Oslo Børs fell vidare

Hovudindeksen på Oslo Børs fall torsdag med 0,4 prosent til 803,95 poeng. Omsetninga enda på 2,75 milliardar kroner, nesten 4,5 milliardar mindre enn onsdag.

Ny SSB-direktør vil nullstille endringar 

Alle dei foreslåtte endringane i forskingsavdelinga i Statistisk sentralbyrå (SSB) blir sette til side, opplyser konstituert SSB-direktør Birger Vikøren.

Senterpartiet vil fryse bensinavgifta 

Sp frir til bilistane ved å fryse bensin- og dieselavgiftene og gi pendlarane eit løft i sitt budsjett. Samtidig aukar partiet skattane med 2,3 milliardar.

Bokhandlarprisen til Helga Flatland

Bokhandlarane har late seg begeistre av Helga Flatlands roman om ein moderne familie og har tildelt henne Bokhandlerprisen for 2017.