Enda ein rekorddag på Oslo Børs

Oslo Børs heldt fram oppgangen tysdag, og hovudindeksen enda på 728,29 poeng, ein oppgang på 0,5 prosent.
innenriks

Hovudindeksen har gått opp stort sett kvar dag sidan botnnivået 21. april, da indeksen låg på 683,02 poeng.

Blant dei mest omsette selskapa gjekk Statoil så vidt i raudt, aksjane sokk med 0,07 prosent. Dei neste selskapa på lista fekk betre tal, Norsk Hydro gjekk opp 1,2 prosent, Marine Harvest 2,6 prosent, DNB 0,07 og Telenor 1,0 prosent.

Børsvinnaren tysdag var African Petroleum Corporation, som hadde ein oppgang på 26,85 prosent, men utan at dei tok igjen tapet etter det store fallet dagen før.

Dei viktigaste europeiske indeksane hadde moderate endringar. Dax 30 i Frankfurt og CAC 40 i Paris gjekk ned med høvesvis 0,2 og 0,4 prosent. FTSE 100 i London steig med 0,9 prosent.

Prisen på nordsjøolje låg tysdag ettermiddag på 51,79 dollar fatet. Eit fat amerikansk lettolje vart omsett for 48,76 dollar.

(©NPK)