Regjeringa vil skjerpe straffa for smittekriminalitet

Regjeringa vil heve straffenivået for grov smitteoverføring frå tre til seks års fengsel. Samtidig skal det meir til for å bli straffa etter dette forslaget.

Regjeringa foreslår også å heve straffenivået for det som blir kalla allmennfarleg smitteoverføring til 15 års fengsel. Denne føresegna rettar seg mot forsettleg smittespreiing gjennom luft, vatn, næringsmiddel eller andre «gjenstandar bestemt for alminneleg bruk eller sal», ifølgje proposisjonen.

Allmennfarleg smitteoverføring kan også bli ramma av terrorlovgjevinga, som har ei øvre strafferamme på 30 års fengsel, dersom det har skjedd i terrorhensikt.

«Ordinær» smitteoverføring – grov eller grovt aktlaus – omfattar som oftast sjukdomssmitte mellom to eller fleire personar, som hivsmitte ved seksuell omgang der det ikkje er gitt samtykke eller tatt smitteførebyggjande grep.

Smitteoverføringa må i begge tilfelle utgjere fare for liv eller helse for at den skal vere straffbar. Også forsøk på smitteoverføring som utgjer fare for liv og helse er straffbar.

Samtidig ønskjer regjeringa å fjerne straffansvar for aktlaus smitteoverføring, men hevar derimot øvre strafferamme for grov aktlaus smitteoverføring til seks års fengsel.

(©NPK)

Siste nyhende

Hareide: Mogleg siste forhandlingsmøte denne veka

Forhandlingsmøtet om regjeringsspørsmålet onsdag kan bli det siste før KrF eventuelt vel å gå i opposisjon, seier partileiar Knut Arild Hareide.

Lik kostnad for ny og brukt hytte

Kostnadspress i byggjebransjen og eit stort overskot av tomter gjer det like økonomisk attraktivt å byggje hytte som å kjøpe brukt, ifølgje Prognosesenteret.

Fleire tomme hotell i Bergen under sykkel-VM

Nær fire av ti hotellrom i Bergen stod tomme i VM-veka, men høge priser kan ha redda bedriftene.

Forskar fryktar kommunane er uførebudde på eldrebølgja

Forskar Einar Vetvik fryktar norske kommunar ikkje har planlagt godt nok for eldrebølgja. – No er det alvor, bølgja er her allereie, seier han.

Forbrukarar får betre vern ved pakkereiser dei sjølv set saman

Eit nytt pakkereisedirektiv blei fredag innlemma i EØS-avtalen, og gir forbrukarane betre vern ved bestilling av pakkereiser dei sjølv set saman.